Liga Unike e Meshkujve zhvillon xhiron e gjashtë, që është vendimtare, për skuadrat që duan të jenë pjesë e Final 4.

Skuadrat kërkojnë fitoren për të qenë pjesë e Final 4, që këtë vit organizohet në Shqipëri, e më pas për të luftuar për titullin e kampionit.

Takim interesant pritet ndërmjet Vllaznisë dhe GO+ Pejës, pasi shkodranët fituan duelin në Pejë me rezultat 71:81. Shkodranët kanë dy fitore e një humbje, kurse pejanët kanë një fitore e tri humbje.

Golden Eagle Ylli e pret Apoloninë në një tjetër sfidë interesante. Ylli ka dy fitore e dy humbje, kurse Apolonia dy fitore e një humbje. Në Fier fituan therandasit 61:71.

Ndeshja e Grupit A do të regjistrohen me rezultat zyrtar Besëlidhja-Vëllaznimi 20:0 dhe Bora-Teuta 0:20.

Liga Unike-Java 6

GRUPI B

E mërkurë

18:00 Vllaznia - GO+ Peja

19:30 Golden Eagle Ylli - Apolonia

Ka përfunduar edicioni i rregullt në Ligën Unike të Femrave.

Njëkohësisht janë përcaktuar edhe skuadrat e Final 4, që do të mbahet më 17 dhe 18 mars.

Peja 03, Bashkimi, Flamurtari dhe Tirana u kualifikuar në Top 4, derisa këtë qëllim nuk e arritën Prishtina dhe Partizani.

Në gjysmëfinale do të përballen Peja 03 me Tiranën, kurse Bashkimi me Flamurtarin.

Peja 03 u rendit e para me nëntë fitore e një humbje, Bashkimi tetë fitore e dy humbje, Flamurtari gjashtë fitore e katër humbje, Partizani dy fitore e tetë humbje dhe Prishtina një fitore e nëntë humbje.

Federata e Basketbollit të Kosovës shpall konkurs për organizimin e Final 4 Liga Unike Femrat

Në bazë të nenit 24 të Statutit të Federatës së Basketbollit të Kosovës (FBK), Bordi i FBK-së shpall: KONKURS për organizimin e turneut Final Four – Liga Unike Femrat për edicionin 2025/26. Final Four – Liga Unike Femrat për edicionin 2025/26 do të zhvillohet më 17 dhe 18 mars 2026, në qytetin e organizatorit të përzgjedhur.

1. KUSHTET E PËRGJITHSHME

Të drejtë aplikimi kanë të gjithë personat juridikë që përmbushin kushtet e përcaktuara në këtë konkurs.

Organizatori i përzgjedhur do të nënshkruajë kontratë me Federatën e Basketbollit të Kosovës (FBK), në të cilën do të përcaktohen në mënyrë të detajuar të drejtat dhe obligimet e të dyja palëve lidhur me organizimin e eventit.

2. KUSHTET DHE PËRGJEGJËSITË E ORGANIZATORIT

Kandidatët duhet të garantojnë përmbushjen e kritereve të mëposhtme:

1. a) Të sigurojnë kushte optimale për zhvillimin e ndeshjeve sipas Rregullave Zyrtare të Basketbollit të FIBA-s, Propozicioneve të Garave të FBK-së dhe akteve të tjera normative në fuqi;
2. b) Të sigurojnë një palestër që përmbush standardet e kërkuara për zhvillimin e ndeshjeve të Final Four;
3. c) Të mbulojnë shpenzimet për akomodimin (hotel) e të gjitha ekipeve pjesëmarrëse dhe zyrtarëve të ndeshjeve gjatë zhvillimit të turneut;
4. d) Të sigurojnë DJ, sistem profesional të zërimit, fotograf zyrtar dhe spiker të ndeshjeve;
5. e) Të sigurojnë pajisjet dhe logjistikën e nevojshme për ceremoninë përmbyllëse të eventit;
6. f) Të sigurojnë prezencë të mjaftueshme të forcave policore dhe sigurimit privat për garantimin e sigurisë së lojtarëve, stafit, zyrtarëve dhe spektatorëve;
7. g) Të organizojnë promovimin dhe reklamimin e eventit në nivel lokal përmes mediave dhe rrjeteve sociale.
8. DETYRIMET E FBK-së

Federata e Basketbollit e Kosovës do të mbulojë dhe organizojë:

• Transmetimin televiziv të ndeshjeve;
• Vendosjen e reklamave LED në palestër;
• Pagesën e gjyqtarëve dhe zyrtarëve të ndeshjeve;
• Kampanjën qendrore të promovimit dhe marketingut të eventit;
• Organizimin e ceremonisë përmbyllëse;
• Stafin organizativ të FBK-së gjatë eventit;
• Kupat dhe medaljet për ekipet finaliste;
• Shpërblimet financiare për ekipet nga Kosova, sipas rregulloreve në fuqi.

4. AKTIVITETE SHTESË

Gjatë zhvillimit të turneut Final Four – Liga Unike Femrat, do të organizohet edhe Klinika e Gjyqtarëve për Femra, e organizuar nga FBK në bashkëpunim me FIBA Europe. Përgjegjësia financiare për organizimin e kësaj klinike do të mbulohet nga FBK.

5. PËRFITIMET DHE TË DREJTAT E ORGANIZATORIT

Organizatori i përzgjedhur do të ketë të drejtën e:

• Shitjes së biletave për eventin;
• Përdorimit të hapësirave për sponsorë dhe reklama brenda palestrës;
• Organizimit të aktiviteteve shtesë në kuadër të eventit, me miratimin paraprak të FBK-së.

6. PROCEDURA E APLIKIMIT DHE AFATI I FUNDIT

Konkursi mbetet i hapur për 3 (tri) ditë nga dita e shpalljes.

Aplikimet për organizimin e Final Four – Liga Unike Femrat duhet të dorëzohen në adresën elektronike: office@basketbolli.com

Aplikimi duhet të përmbajë:

1. Të dhënat e organizatorit dhe përvojën në organizimin e ngjarjeve sportive;
2. Planin organizativ dhe teknik, duke përfshirë vendin e propozuar për zhvillimin e eventit;
3. Planin financiar dhe burimet e financimit për organizimin e eventit.
4. PROCEDURA E PËRZGJEDHJES

Bordi i FBK-së do të vlerësojë aplikimet duke marrë parasysh këto kritere:

• Përvojën e organizatorit në organizimin e eventeve të ngjashme;
• Kapacitetet infrastrukturore dhe teknike;
• Planin financiar dhe garancinë për mbulimin e shpenzimeve.

FBK rezervon të drejtën që, para marrjes së vendimit përfundimtar, të kërkojë informata shtesë ose të realizojë inspektim të objektit të propozuar për zhvillimin e eventit.

8. INFORMACIONE SHTESË

Për pyetje dhe sqarime shtesë lidhur me këtë konkurs, palët e interesuara mund të kontaktojnë në adresën elektronike: office@basketbolli.com

Federata e Basketbollit e Kosovës rezervon të drejtën për të refuzuar çdo aplikim që nuk i përmbush kushtet e përcaktuara në këtë konkurs, si dhe të anulojë ose rishpallë konkursin në rast se aplikimet nuk i përmbushin kriteret e kërkuara.