Besëlidhja ka shënuar fitoren e dytë në Ligën Unike. Besëlidhja njëkohësisht ia shkaktoi humbjen e dytë Teutës së Durrësit me rezultat 100:89.

Çereku i parë i takoi durrsakëve 20:25, por më pas u rikthyen vendasit që ishin më të mirë në periudhën e dytë 21:13 dhe periodën e tretë 28:21, derisa dhjetë minutat e fundit ishin më të baraspeshuar 31:30, ku Besëlidhja në fund fitoi 100:89.

Julian Hamati kishte 17 pikë e 12 kërcime te Besëlidhja, derisa te Teuta u dallua Jamal Wright me 29 pikë e tri kërcime.

Peja 03 shënoi fitore në Vlorë ndaj kampionit Flamurtarit me rezultat 70:82.

Fitueset e Superkupës së Kosovës ishin shumë më të mira në pjesën e parë, duke e fituar këtë pjesë 24:47, derisa në pjesën e dytë vendaset ngushtuan shifrat, por pa arritur të bëjnë më shumë dhe sfida përfundoi 70:82.

Më e mira te vendaset ishte Adia Brisker me 27 pikë e katër kërcime, kurse te mysafiret u dallua Kiki Jefferson me 30 pikë e 12 kërcime.

Kampioni i Kosovës, Bashkimi e ka nisur me fitore edicionin e ri të Ligës Unike.

Bashkimi shënoi fitore ndaj Partizanit të Tiranës me rezultat 90:53, në ndeshjen e zhvilluar në Prizren.

Pjesa e parë e ndeshjes ishte tërësisht e baraspeshuar 36:38, por në pjesën e dytë kampionet e Kosovës ishin bindshëm më të mira për të shënuar fitoren e parë në këtë edicion.

Te Bashkimi më e mira ishte Nicole Destiny me 31 pikë, 11 kërcime e katër asistime, kurse te Partizani, Dasia Evans kishte 18 pikë e nëntë kërcime.